ORI in English icon_flag_gb



 

Ç’është ORI



Observatori i Integrimeve Rajonale (ORI) synon ngritjen e një platforme për vrojtimin, mbledhjen e të dhënave empirike, analizën dhe promovimin e flukseve përbërëse të integrimit rajonal, në kuadrin e integrimeve ndërkufitare, trans-nacionale dhe inter-rajonale të Shqipërisë.

Kjo inisiativë, e cila mbështetet nga Agjencia për Mbështetjen e Shoqërisë Civile (AMSHC) dhe Friedrich Ebert Stiftung, do të kontribuojë në promovimin, forcimin dhe qëndrueshmërinë e inisiativave të bashkëpunimit në nivel rajonal të organizatave të shoqërisë civile. Përmes rritjes së transparencës, informacionit të përshtatshëm, vënies në rrjet, analizave, etj, ORI do të mundësojë rritjen e efiçiencës së organizatave, që kerkojnë të hyjnë ose janë tashmë të angazhuara në aktivitete rajonale.

Bashkëpunimi mes institucioneve dhe organizatave të rajonit të Ballkanit ndodh në shumë-nivele; është multi-aktor, multi-sektor dhe implikon nga organizma shtetërore e deri në shkëmbime të thjeshta të qytetarëve duke kaluar nga agjenci të ndryshme, biznese, akademi, shoqëri civile, etj. Bashkëpunimi në kuadrin e procesit të Integrimit rajonal promovohet kryesisht nga Bashkimi Evropian – destinacioni ku të gjithë vendet e Ballkanit Perëndimor synojnë të arrijnë – dhe donatorë të tjerë, si një parakusht për qasje në fondet IPA-Instrumenti i Asistencës së Para-aderimit- dhe në asistencë bilaterale.



Ç’ofron ORI


Tek ORI do të gjeni një databazë me 550 projekte rajonale dhe ndërkufitare ku marrin pjesë institucionet dhe organizatat shqiptare, të kompletuara me studime, analiza dhe raporte që trajtojnë integrimin rajonal në Ballkanin Perëndimor.

Kjo platformë do t’i shërbejë të gjithë të interesuarve mbi statusin e integrimeve rajonale të Shqipërisë, ecurinë e bashkëpunimit, aktivitetet e mbuluara, donatorët e implikuar si dhe efektin në terren. Objektiv i veçantë i ORI do të jetë sensibilizimi dhe promovimi i integrimit rajonal në perspektivën e rrugëtimit të Shqipërisë drejt BE-së.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi