Katalonja trondit Spanjën dhe Europën

Sipas mediave, 2 tetor 2017

Lideri i Katalonjës, Carles Puigdemont tha se krahina spanjolle fitoi të drejtën për të formuar shtetin e saj pas një referendumi kontradiktor që u trazua nga dhuna.

Presidenti katalanas tha se tashmë është hapur dera që Katalonja të shpallë në mënyrë të njëanshme pavarësinë dhe festa në rrugë nuk ka munguar.

Fjalët e Puigdemont u mbështetën edhe nga shifrat e votimit, pasi 90% e votuesve mbështetën pavarësinë, raporton Top Channel.

Pjesëmarrja në referendum ishte 42,3%, një shifër që, sipas ekspertëve, ngre pikëpyetje për vlefshmërinë e tij, pasi nuk mori pjesë as gjysma e popullisë me të drejtë vote.

Këto shifra padyshim që nuk i bëjnë përshtypje qeverisë spanjolle, e cila tha se nuk e pranon referendumin që më herët, madje përdori edhe dhunën për ta ndaluar atë, megjithëse nuk ia doli dot.

Duke zbatuar urdhërin e Gjykatës Kushtetuese, policia spanjolle përdori shkopat dhe plumbat e gomës kundër njerëzve që donin të votonin, duke plagosur mbi 800 prej tyre, si dhe sekuestroi kutitë e fletët e votimit në dhjetëra qendra votimi.

Evropa nuk mbështet pavarësinë e Katalonjës, por rrudhi buzët ndaj veprimeve të Spanjës, ndërsa shumë ekspertë thonë se me dhunën e ushtruar, Madridi i dha leje për pavarësi krahinës së pabindur.

Protesta ndaj dhunës së policisë u zhvilluan jo vetëm në Katalonjë, por në shumë qytete të tjera spanjolle, ndërsa nuk mungojnë as grevat e organizuara për të martën për shkak të shkeljes së të drejtave të njeriut.

Lideri katalanas Puidgemont tha se rezultatet e referendumit do t’i dërgohen Parlamentit të krahinës në ditët e ardhshme, për të vijuar me hapat e mëtejshëm, duke e cilësuar pavarësinë çështje të mbyllur, megjithëse duket se kjo dramë ka ende akte për të luajtur.

    Repository


    Dokumente të politikave publike dhe reformave të shtetit
    English

    Thënie për Shtetin

    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi
    • Detyra e shteteve të mëdha është të shërbejnë dhe jo të dominojnë botën.
      - Harry S. Truman
    • Paul Valery
      - Nëse Shteti është i fortë, ai na shtyp. Nëse ai është i dobët, na zhduk.
    • Kur je jashtë vendit, je burrë shteti; kur je në atdhe, je vetëm një politikan.
      - Harold MacMillan