Qytetarët e BE-së nuk duan më zgjerim!

Sipas mediave, 26 dhjetor 2018

Shumica e shtetasve të BE kundërshtojnë zgjerimin e Unionit për anëtarët e rinj në vitet e ardhshme, ndërsa në të njëjtën kohë vendet kandidate vazhdojnë të mbështesin anëtarësimin në BE dhe besimin se kjo do të ishte e dobishme, sipas sondazhit të fundit të euro-barometrit të kryer nga Komisioni Evropian.

Në Shqipëri, rreth 93 për qind e pjesëmarrësve në studim vlerësuan se anëtarësimi do të ishte i mirë, me vetëm 1 për qind që kishin një qëndrim negativ, transmeton KosovaPress.

Anketa, e cila përfshinte pesë vende kandidate për anëtarësim në BE, tregoi se shumica e qytetarëve serbë, 42 për qind, besojnë se anëtarësimi në BE do të ishte një gjë e mirë, 22 për qind mendojnë se anëtarësimi do të jetë i keq, ndërsa 28 për qind mendojnë se nuk është as e mirë as e keqe.

Në vendet e tjera kandidate, 58% e maqedonasve, 45% e malazezëve dhe 35% e turqve mendojnë se anëtarësimi në BE është pozitiv.

Në BE, megjithatë, 43 për qind e qytetarëve mbështesin zgjerimin e anëtarëve të rinj në vitet e ardhshme dhe kundër janë 45 për qind.Duke parë individualisht nga anëtarët, zgjerimi gëzon mbështetjen më të madhe në Spanjë (71%), Poloni dhe Lituani (66%), Rumani (65%), Hungari (62%) dhe Kroaci (61%). Kundërshtarët më të mëdhenj janë Finlanda (64 për qind), Franca (62 për qind), Gjermania (61 për qind) dhe Austria (58 për qind)

    Thënie për Shtetin

    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi
    • Detyra e shteteve të mëdha është të shërbejnë dhe jo të dominojnë botën.
      - Harry S. Truman
    • Paul Valery
      - Nëse Shteti është i fortë, ai na shtyp. Nëse ai është i dobët, na zhduk.
    • Kur je jashtë vendit, je burrë shteti; kur je në atdhe, je vetëm një politikan.
      - Harold MacMillan