Këshilli i Europës mohon planin për platformë dizbarkimi refugjatësh në Shqipëri

BIRN, 22 qershor 2018

Pyetur nga BIRN, një zyrtar i Këshillit të Europës iu përgjigj me ‘jo’ pyetjes nëse ka apo jo një plan për bazë dizbarkimi refugjatësh në Shqipëri dhe mohoi gjithashtu që një plan i tillë të jetë kusht për hapjen e negociatave për anëtarësim.

Zyrtari i Këshillit të Europës tha se koncepti i “qendrave rajonale të dizbarkimit”, për të cilat flitet në draftkonkluzionet e takimit të Këshillit më 28 qershor, nuk lidhet me Shqipërinë dhe se është ende një koncept në zhvillim.

“Jo. Rajonet nuk janë identifikuar ende sepse ne po flasim vetëm për mundësinë e eksplorimit të këtij koncepti,” tha zyrtari përmes një emaili, i pyetur nëse ky koncept lidhet në ndonjë farë mënyre me Shqipërinë.

Pyetjes nëse Platforma e Dizbarkimit lidhet me ndonjë farë mënyre me vendimin e pritshëm të Këshillit për hapjen ose jo të bisedimeve për anëtarësim me Shqipërinë dhe Maqedoninë, vendim që pritet të merret gjithashtu më 28 qershor, zyrtari iu përgjigj gjithashtu prerazi “Jo”.

Partia Demokratike në opozitë ka akuzuar qeverinë prej disa ditësh se ka pranuar të ndërtojë kampe refugjatësh në Shqipëri në shkëmbim të hapjes së bisedimeve për anëtarësim. Qeveria e ka mohuar në disa raste duke thënë se nuk ka marrë një kërkesë të tillë dhe as nuk gjendet në bisedime.

Politikanë të ndryshëm në Austri dhe Gjermani kanë folur për mundësinë e izolimit të refugjatëve në një vend jashtë BE-së, duke krijuar aludime se Shqipëria është një vend target për këtë plan.

Këshilli i Europës do të mblidhet më 28 qershor për të diskutuar disa çështje, ku çështja e parë pritet të jetë problemi i migrimit.

Në draftkonkluzionet e këshillit, të cilat janë përgatitur nga Presidenti Tusk dhe pritet të diskutohen nga krerët e vendeve anëtare, këshilli mbështet konceptin e “platformave rajonale të disbarkimit”, një frazë që, sipas disa mediave europiane, e vë Shqipërinë në listën e vendeve kandidate për ndërtimin e një platforme të tillë, krahas disa vendeve të Afrikës së Veriut. Por zyrtari i Këshillit thotë se kjo ide është ende në fazë eksplorimi dhe nuk lidhet me Shqipërinë.

    Repository


    Dokumente të politikave publike dhe reformave të shtetit
    English

    Thënie për Shtetin

    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi
    • Detyra e shteteve të mëdha është të shërbejnë dhe jo të dominojnë botën.
      - Harry S. Truman
    • Paul Valery
      - Nëse Shteti është i fortë, ai na shtyp. Nëse ai është i dobët, na zhduk.
    • Kur je jashtë vendit, je burrë shteti; kur je në atdhe, je vetëm një politikan.
      - Harold MacMillan