Opozita u rikthye në Kuvend pas 6 muajve

Kuvendi i Shqiperise, 24 dhjetor 2014

kuvendi4-1024x670Opozita më në fund është kthyer në sallën e Kuvendit.

Edhe pse një marrëveshje u arrit që mbrëmë, sërish palët patën disa mosmarrëveshje.

Demokratët kërkuan që të mos kishte rend dite përveç miratimit të rezolutës, por mazhoranca theksoi se do të vazhdojë me rendin e ditës.

Pas një tjetër mbledhje të grupit parlamentar të PD, ligjvënësit e opozitës iu drejtuan sallës së Kuvendit.

Pasi kanë pritur miratimin e ligjeve në rendin e ditës, demokratët dhe të majtët kanë votuar me 126 vota rezolutën e konsensusit.

Përpara votimit, me kërkesë të Palokës, kryetari i Kuvendit Ilir Meta lexoi “Projekt/rezolutën e marrëveshjes politike mes mazhorancës dhe opozitës në Kuvendin e Republikës së Shqipërisë”.

Dakordësia e arritur për miratimin e rezolutës, bëri që Partia Demokratike të thyente bojkotin 6-mujor dhe të zinte vendet e saj në Kuvend.

Në fjalën e tij përpara ligjvënësve, kreu i grupit të PD-së, Edi Paloka theksoi se marrëveshja e arritur është në favor të të gjitha palëve dhe “një mundësi e mirë për të shpëtuar politikën shqiptare nga zhytja në llumin e krimit dhe korrupsionit”.

Paloka nënvizoi arsyet që e shtynë opozitën drejt bojkotit parlamentar, ndërsa tha se “deputetët rikthehen me kokën lart me vullnetin dhe dëshirën që parlamenti të kthehet në tempullin e demokracisë, mbrojtjes së lirisë dhe të drejtave të qytetarëve”.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi