EBRD: Raporti i Tranzicionit 2014, vlerësim pozitiv për Reformat në Shqipëri

EBRD, tetor 2014. Teksti i plotë kliko këtu

transition14Shqipëria renditet e para ndër vendet e tranzicionit për reformat strukturore të kryera gjatë këtij viti sipas Bankës Evropiane për Rindërtim dhe Zhvillim (BERZH).

Raporti i Tranzicionit për vitin 2014, ka nxjerrë një vlerësim pozitiv për Shqipërinë, përsa i përket reformave në teknologjinë e informacionit, agrobiznes, industri, pasuri të patundshme, në energjinë e qëndrueshme, transportin urban dhe sistemin bankar.

Sektorë të tillë si hekurudha, tregu i sigurimeve dhe tregjet e kapitalit janë paraqitur më dobët, me një vlerësim numër 1, nga 4 + që është maksimalja. Vlerësimi 1 përfaqëson ndryshim pak ose aspak në krahasim me një ekonomi të ngurtë, dhe 4+ përfaqëson standardet e një ekonomie tregu. Vendet e tjera të Rajonit, si Maqedonia, Serbia, Mali i Zi, Kosova, Bullgaria dhe Rumania paraqiten shumë më dobët se Shqipëria.

BERZH thekson se, arritje të mëtejshme në lidhje me klimën e biznesit janë të nevojshme për Shqipërinë. Edhe pse përpjekjet për përmirësimin e klimës së biznesit janë të rëndësishme, autoritetet duhet të vazhdojnë me reformat në fushat ku Shqipëria paraqitet me rezultatet më të dobëta, të tilla si energjia elektrike, ato që kanë të bëjnë me lejet dhe pagimin e taksave.

“Problemet e sektorit të energjisë duhet të trajtohen fuqishëm. Pas zgjidhjes së një mosmarrëveshje me një investitor të madh, sektori ka një nevojë të madhe për investime, të kombinuara me reforma të orientuara nga ana tregtare për të reduktuar humbjet e buxhetit financiar”, thuhet në raport.

“Përpjekje të mëtejshme janë të nevojshme për të reduktuar kreditë me probleme. Pavarësisht përmirësimeve legjislative, niveli i kredive me probleme, mbetet ndër më të lartat në rajon. Një qasje gjithëpërfshirëse dhe e koordinuar nga qeveria, banka dhe bankat lokale, është e nevojshme për të ndihmuar në zbutjen e problemit”, vijon raporti.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi