Grupi Social-Demokrat në PE publikon numrin e parë të revistës “Ekonomia Progresive”

Pregatitur nga Shtetiweb.org, 13 dhjetor 2013

Grupi Social-Demokrat në Parlamentin Evropian në mbështetje të nismës “Ekonomia Progresive” sapo publikoi versionin elektronik të revistës “Journal for a Progressive Economy”.

Në këtë numër 16 politikanë dhe ekspertë të ekonomisë shprehen dhe analizojnë mënyra progresive për të trajtuar problemet e evidentuara nga kriza financiare, ekonomike, sociale dhe politike që po përjeton Bashkimi Evropian dhe Eurozona që nga viti 2008.

H. Swoboda, S. Fassina, B. Ségol, J.-P. Fitoussi, Ch. Wyplosz etj trajtojnë rreziqet e aplikimit të masave neo-liberale dhe pasojat sociale; rolin dhe përgjegjësitë e Komisionit Evropian në luftën kundër krizës ekonomike dhe sociale;  nevojën e reformave strukturore në të gjitha vendet e BE; zbatimin e një reforme progresive në tregun e punës, bazuar mbi stabilitetin, sigurinë, drejtësinë dhe progresin e marrëdhënieve punëdhënës – punëmarrës; efektin dominò të pa-barazive socio-ekonomike; rolin e Bankës Qëndrore Evropiane në luftën kundër papunësisë, etj.

Klikoni këtu për të lexuar Revistën Ekonomia Progresive