Rregulla e Artë e Rritjes Ekonomike dhe Modeli Evropian i Zhvillimit

Abstrakt, pregatitur nga ShtetiWeb

Rregulla e Artë e Rritjes Ekonomike është përmëndur për herë të parë nga Edmund Phelps para gjysëm shekulli. Kjo rregull qartëson sa shumë njerëzit e një kombi të caktuar duhet të punojnë, të kursejnë dhe të investojnë sot, në mënyreë që brezat e ardhshëm të gezojnë një nivel jetese jo më të vogël se ai i baballareve të tyre.  Shkalla e respektimit të këtij rregulli është një tregues i pjekurisë ekonomike të një vendi.

Raporti i Bankës Botërore, me autorë Indermit S. Gill dhe Martin Raiser dallon tre tipare përcaktues të modelit socio-ekonomik evropian. I pari është zgjerimi ekonomiko – politik. I dyti kombinon sipërmarrjen me përgjegjësinë sociale. I treti fokusohet në përfshirjen sociale dhe solidaritetin. Janë këto veçori që kanë rezultuar në një prosperitet unik në kontinentin e vjetër. Si të tilla, ato duhen zhvilluar akoma më tej.

Raporti dokumenton dhe analizon me të dhëna sasiore impresionuese arritjet e modelit evropian gjatë pas luftës së dyte botërore. Modeli i ndërtuar nga Gill & Raiser bazohet mbi analizën e gjashtë komponenteve: Tregtia, Financa, Siëermarrja, Inovacioni, Puna dhe Qeverisja.

Konkluzioni është që modeli Evropian i deritanishëm i rritjes ekonomike ka kontribuar fuqimisht në konvergjencën ekonomike mes vendeve, duke ndihmuar vendet e prapambetura të futen në grupin e ekonomive me të ardhura të larta. Por për të ruajtur dhe zhvilluar më tej këto arritje, raporti propozon rregullime dhe adaptime të të gjashtë komponenteve të sipër-përmendur. Kostoja e këtyre ndryshimeve është funksion i ngurtësisë së praktikave, rregullave dhe mentalitetit egzistues: ndërsa është relativisht kollaj përmirësimi i tregëtisë dhe financës, procesi komplikohet kur flitet për ndryshime të tregut të punës dhe të mënyrës së qeverisjes.

Nën trysninë e zhvillimeve egzogjene dhe të krizës ekonomike dhe financiare, në vitet e ardhëshme politikanët evropianë duhet të fokusohen në rritjen e produktivitetit të ekonomisë nëpërmjet forcimit të tregut unik. Së dyti – dhe këtu Shqiperia dhe Ballkani preken në mënyrë direkte – zgjerimi duhet të vazhdojë për të integruar plotësisht dhe 100 milionë banorët e Evropës juglindore. Së treti, Evropa duhet të ruaje nivelin e influencës së saj në botë.

Autorët përfundojnë duke shpjeguar që modeli evropian është zbatuar me sukses jo vetëm në vendet e pasura. Aspiratat e popujve evropianë për zhvillim gjithëpërfshirës kanë prodhuar dekada suksesi dhe një model unik zhvillimi që mund të aplikohet më gjerë.

Përsa i përket lexuesit shqiptar, suksesi i këtij modeli është burim inspirimi për Shqipërinë. Shqiptarët duhet të mësojnë nga kjo eksperiencë, dhe ta përshtasin në kushtet e vendit dhe në stadin e tij të zhvillimit për të mundësuar aplikimin e suksesshëm të modelit evropian të zhvillimit ekonomik dhe social, si pjesëtarë të familjes së madhe evropiane.

Një përmbledhje të këtij studimi do ta gjeni këtu tek Politikat ekonomike dhe financiare.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi