KE rekomandoi sot që Këshilli Europian t’i japë Shqipërisë statusin e vendit kandidat

Bruksel, 10 tetor 2012

 

Komisioni Europian rekomandoi sot që Këshilli Europian t’i japë Shqipërisë statusin e vendit kandidat. Komisioneri për Zgjerimin Stefan Fule, gjatë prezantimit që i bëri para mediave raportit të progresit për Shqipërinë vlerësoi se vendi ka bërë progres të dukshëm në përmbushjen e reformave themelore dhe se dialogu politik është përmirësuar në masë të konsiderueshme.

Por Komisioni rekomandon për Shqipërinë statusin e vendit kandidat, me kusht që të ketë reforma të tjera në Drejtësi dhe sa i përket Parlamentit. Komisioni beson se një pjesë e mirë e prioriteteve është zbatuar, por duhen përpjekje të tjera sa i takon luftës kundër korrupsionit dhe krimit të organizuar

Rekomandimi i Komisionit Europian për dhënien e statusit të vendit kandidat shqyrtohet dhe miratohet nga organi më i lartë vendim-marrës i BE, Këshilli Europian, i përbërë nga krerët e qeverive apo shteteve të vendeve anëtare të Bashkimit Europian. Takimi më i afërt i Këshillit Europian ështe ai i dhjetorit 2012. Duke qene se rekomandimi i Komisionit për dhënien e statusit është në varësi të përfundimit nga Shqipëria të disa masave si p.sh. rishikimi i rregullores së Kuvendit, Komisioni do t’i raportoje Këshillit sapo progresi i kërkuar të jetë arritur. Kësisoj vendimi përfundimtar i Këshillit për dhënien e statusit, pritet të merret kur Komisioni të ketë raportuar marrjen e masave të mbetura nga Shqipëria.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi