Shërbimi Civil: Administratat nuk zbatojnë vendimet tona

25.06.2012

Institucionet shtetërore nuk i zbatojnë vendimet e Komisionit të Shërbimit Civil lidhur me ankesat e nënpunësve të administratës të larguar nga puna. Gjatë raportimit vjetor në Komisionin e Ligjeve, kreu i këtij institucioni, Fatmir Tafai tha se moszbatimi i vendimeve në masën 100% rrit frikshëm dëmin ekonomik në buxhetin e shtetit.

“Shqetësimi im ka të bëjë me dëmin financiar për shkak që pëson buxheti i shtetit për shkak të moszbatimit të vendimeve të KSHC dhe në shumë raste edhe të vendimeve të gjykatës. Pra, kur gjykata konfirmon vendimet e KSHC. Ju në raport keni sjellë 3 raste për Drejtorinë e Përgjithshme të Hetimeve, ku thoni se vetëm për Drejtorinë e Përgjithshme të Tatimeve, për 3 punonjës dëmi financiar është thuajse 100 milionë lekë. Sa janë vendimet e pazbatuara nga institucionet buxhetore sot që flasin”,- pyeti deputeti Tahiri, kreun e Këshillit të Shërbimit Civil.
“100% të pazbatuara, vendime të Komisionit të Shërbimit Civil. Dhe ne këtë e kemi theksuar në raport. Kjo përbën një precedent të rrezikshëm jo për sot, por gjatë gjithë kohës, nëse do të vijohet kështu ai dëm ekonomik do të vijojë në buxheti e shtetit. Prandaj dhe me Kontrollin e Shtetit kemi hyrë në tratativa për ta kufizuar me qëllim që të mos ndodhë në të ardhmen”,- u përgjigj Tafai.
Shqetësime të tjera të ngritura nga Komisioni i Shërbimit Civil, janë moszbatimi i vendimeve për ngritjen në karrierë dhe mënyra e zhvillimit të konkurseve për vendet vakante që sipas Tafai janë formale dhe jo sipas meritës.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi