Administrata në 2014, 1210 punonjës më pak se 2013

Open Data, 27 dhjetor 2013

Struktura e të punësuarve në shtet për vitin 2014 do të shënojë ulje krahasuar me vitin që po mbyllim. Ky është konkluzioni i nxjerrë nga një artikull që po pulbikon “Open Data” me të dhëna mbi numrin e personave të punësuar në sektorin buxhetor sipas ligjit që rregullon shpenzimet publike në 2014.

Sipas këtij artikulli, vitin e ardhshëm struktura e të punësuarve në shtet do të shënojë në total 86 500 persona, pra rreth 1 210 punonjës më pak se viti pararendës 2013.

Kështu, reduktim të personelit është parashikuar të pësojnë: Ministria e Mbrojtjes; Ministria e Drejtësisë; Ministria e Mjedisit, Pyjeve dhe Administrimit të Ujërave; Ministria e Financave dhe Ministria e brendshme. Ndërkohë edhe Shërbimi Informativ Shtetëror është ndër institucionet me strukturë të tkurrur kundrejt 2013.

Sipas “Open Data” të papërfshirë në tabelën që është pjesë e parashikimit buxhetor për 2014, mbetet institucioni Avokati i Prokurimeve. “Për këtë institucio nuk kemi qartësi nën vartësi të cilës strukturë është përfshirë në vitin që vjen” thuhet nga “Open Data”.

Por për vitin 2014, janë disa institucione që do të kenë Shtesë stafi, si Ministria e Arsimit dhe Sporteve; Ministria e Bujqësisë, Ushqimit dhe Mbrojtjes së Konsumatorit; Këshilli i Ministrave; Kuvendi. Po kështu, edhe institucione të tjera të pavarura si Inspektorati i Kontrollit të Deklarimit të Pasurive dhe Zyra e Administrimit Gjyqësor do të kenë më shumë punonjës në organikë për vitin 2014.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi