Kuvendi miraton projektligjin “Për Gjykimin e Mosmarrëveshjeve Administrative dhe Organizimin e Drejtësisë Administrative”.
3 maj 2012
Mbas një historie të gjatë të bllokimit të miratimit të projekt/ligjit “Për Gjykimin e Mosmarrëveshjeve Administrative dhe Organizimin e Drejtësisë Administrative” më 26 prilli 2012 Komisioni për Çështjet Ligjore Administratën Publike dhe të Drejtat e Njeriut miratoi me konsensus projektligjin “Për Gjykimin e Mosmarrëveshjeve Administrative dhe Organizimin e Drejtësisë Administrative.
Miratimi në unanimitet i këtij projektligji të rëndësishëm vjen pas diskutimeve e shqyrtimeve të gjera mes anëtarëve të komisionit si dhe konsultimeve me grupet e interesit dhe ndërhyrjeve të bëra nga deputetët e opozitës në komisionin e çështjeve ligjore.
Projekt/ligji në fjalë u miratua më 3 maj 2012 edhe në seancë plenare duke marrë 122 vota pro. Projektligji nuk u votua nga deputeti demokrat Enkelejd Alibeaj, ish-ministër i Drejtësisë, në kohën e të cilit ishte finalizuar kjo inisiativë, ndërsa abstenoi deputeti socialist Pandel Majko. Kryeministri Berisha nuk ishte i pranishëm gjatë votimit
Qëllimi i krijimit të Gjykatës Administrative është garantimi i mbrojtjes efektive të të drejtave subjektive dhe interesave të ligjshëm të personave nëpërmjet një procesi të rregullt gjyqësor dhe brenda afateve të shpejta.