Raporti global i Sundimit të Ligjit, Shqipëria në vendin e 68 midis 113 vendeve të botës

Sipas mediave, 31 janar 2018

Shtetet e Ballkanit janë kategorizuar në pozicione të ndryshme në Raportin e Drejtësisë Botërore, “Indeksi i Sundimit të Ligjit 2018“, një ideks që mat respektimin e sundimit të ligjit në 113 vende të botës, publikuar të mërkurën.

Sondazhi – i cili ka anketuar 1,000 persona nga çdo vend dhe ka analizuar përgjigjet e një pyetësori të plotësuar nga ekspertë ligjorë dhe aktivistë të të drejtave të njeriut – synon të shërbejë si “një mjet sasior që mat sundimin e ligjit në praktikë”.

“Raporti mat sundimin e ligjit bazuar në përvojat dhe perceptimet e publikut të gjerë dhe të ekspertëve brenda vendit”, shkruan prezantimi i tij.

Kategorizimet bazohen në tetë faktorë: kufizimet e pushteteve të qeverisë, mungesa e korrupsionit, qeveria e hapur, të drejtat thelbësore, rendi dhe siguria, zbatimi rregullator, drejtësia civile dhe ajo kriminale.

Në rankimin global – ku Danimarka doli e para dhe Venezuela e fundit – vendet e Ballkanit patën rezultate të ndryshme.

Rumania doli e para e rajonit, në vendin e 29, pasuar nga Sllovenia në vendin e 26 dhe Kroacia në vendin e 35.

Nga vendet e tjera në rajon, Bullgaria doli e 55, Bosnja e 56, Maqedonia në vendin e 57, Shqipëria në vendin e 68 ndërsa Serbia në vendin e 76.

Rusia u rendin në vendin e 89, pak mbi Turqinë.

Sondazhi gjithsesi nuk përfshin të gjitha shtetet anëtare të OKB-së, por vetëm 114 vende me të dhëna të mjaftueshme. Kosova dhe Mali i Zi nuk u përfshinë.

Rumania performoi relativisht mirë pasi rezultati doli përpara reformave polemike në drejtësi – të cilat sipas aktivistëve do të kufizojnë sundimin e ligjit në vend dhe progresin e bërë deri tani në frenimin e korrupsionit.

Vendi ynë e ka treguesin e përgjithshëm të zbatimit të ligjit pak më mirë sesa Serbia (që është në vend të 76). Qeverisje më të fortë ka Maqedonia (në vend të 57), Bosnja po në vend të 47.

Shqipëria ka një renditje tepër negative në treguesin e korrupsionit, ku është në vendin e 93 nga 113 shtete që janë në renditje, me 0.35 pikë, duke e përfshirë atë në listën e 20 vendeve më të korruptuara në botë. Shqiptarët nuk mendojnë se në Shqipëri ka mungesë korrupsioni, përkundrazi. Ata e vlerësojnë të lartë në ligjvënie, sistemin juridik dhe në qeverisje. Më të ulët e perceptojnë korrupsionin ata në sistemin policor dhe ushtarak.

Shqipëria perceptohet që ka korrupsionin më të lartë në rajon. Bosnja është në vend të 73, Maqedonia në vend të 60, Serbia në vend të 74.

Në përgjithësi, një tendencë rënëse u vërejt në respektimin e sundimit të ligjit.

“Të drejtat thelbësore të njeriut raportohen të kenë rënë në thuajse dy të tretat e 113 vendeve të anketuara,” theksoi UK Guardian, “mes shqetësimeve mbi një rritje mbarëbotërore të nacionalizmit autoritar dhe një tërheqjeje nga detyrimet ligjore ndërkombëtare”.

Gazeta citoi profesorin Samuel Moyn nga Universiteti Jeill të thoshte: “Mes shumë shteteve, këto të drejta thelbësore po bien pre e një kundërshtimi ndaj një ekonomie globalizuese”.

“Ringjallja botërore e populizmit, nacionalizmi autoritar dhe tërheqja e përgjithshme nga detyrimet ligjore ndërkombëtare janë trende që, nëse nuk kontrollohen, përbëjnë një kërcënim ekzistencial për sundimin e ligjit. Parandalimi i shkeljeve të sundimit të ligjit dhe të drejtave të njeriut është gjithmonë më mirë se kurimi i tyre pas ngjarjes,” tha Murray Hunt nga Qendra Bingham për Sundimin e Ligjit për gazetën.

Venezuela doli e fundit, poshtë Afganistanit, për shkak të situatës së keqe të sundimit të ligjit, me hiperinflacion, gjykata të manipuluara, një sistem të dhunshëm burgu dhe një normë vrasjeje prej 56- 73 njerëzish në ditë, duke e bërë atë vendin më të dhunshëm vend në Amerikën Latine.

Danimarka, Suedia, Norvegjia dhe Finlanda u renditën në krye në shkallë globale falë sistemeve shumë efikase të drejtësisë që trajtojnë shkeljet.

Në Europën Lindore, Polonia pati rënien më të shpejtë vjetore për shkak të “një sistemi relativisht të suksesshëm që lëvizi shpejt në drejtimin e gabuar, me një prirje rënëse në kategori si kufizimet e fuqive qeveritare, qeveria e hapur, të drejtat themelore dhe drejtësia penale”.

 Raporti per Shqiperine

 

 

    Repository


    Dokumente të politikave publike dhe reformave të shtetit
    English

    Thënie për Shtetin

    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi
    • Detyra e shteteve të mëdha është të shërbejnë dhe jo të dominojnë botën.
      - Harry S. Truman
    • Paul Valery
      - Nëse Shteti është i fortë, ai na shtyp. Nëse ai është i dobët, na zhduk.
    • Kur je jashtë vendit, je burrë shteti; kur je në atdhe, je vetëm një politikan.
      - Harold MacMillan