Ja pse shqiptarët “përplasen” në gjykatë: Marrëdhëniet e punës dhe pronësia

Sipas gazetës Dita, 15 shtator 2016

ndarja-e-vendimeve-te-gjykatave-905x395

Janë me mijëra çështjet që çdo vit regjistrohen në gjykatat e rretheve shqiptare. Procese që zvarriten, gjyqtarë që gjykojnë tej shifrave të rekomanduara nga ndërkombëtarët, kosto pa fund që rëndojnë qytetarët, por edhe shtetin.

Gjatë vitit 2015, numri i çështjeve civile me palë kundërshtare, të regjistruara në Gjykatat e Shkallës së Parë në rang vendi arriti në rreth 28,500. Nga të dhënat zyrtare të Ministrisë së Drejtësisë bien në sy numri i lartë i çështjeve që kanë si objekt gjykimi marrëdhëniet e punës, shkaktim dëmi, paditë e pronësisë, shkaktim dëmi etj.

Vitin e kaluar, numri i çështjeve civile të regjistruara për marrëdhëniet në punë u llogarit në rreth 3,350, duke u renditur si objekti me numrin më të madh të rasteve të paraqitura përpara togave të zeza.

Edhe çështjet e pronësisë kanë regjistruar numër të lartë padish të regjistruara, në rreth 2,400.

Nga të dhënat shihen se puna dhe prona janë çështjet kryesore që përplasin në gjykatë, shqiptarët.

Por, nëse shifrës së padive civile i shtojmë edhe ato familjare dhe administrative, në total numri i çështjeve shkon në rreth 53,000.

Çështjet civile në gjykatat shqiptare zënë rreth 54%, ndërsa ato administrative rreth 28%. Janë të papërfillshme kundrejt totalit çështjet me karakter tregtar.

Sipas të dhënave të vjetarit të Ministrisë së Drejtësisë, numri i çështjeve civile të përfunduara, po me palë kundërshtare, u llogarit në rreth 37,800./MONITOR

ndarja-e-vendimeve-te-gjykatave

    Repository


    Dokumente të politikave publike dhe reformave të shtetit
    English

    Thënie për Shtetin

    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi
    • Detyra e shteteve të mëdha është të shërbejnë dhe jo të dominojnë botën.
      - Harry S. Truman
    • Paul Valery
      - Nëse Shteti është i fortë, ai na shtyp. Nëse ai është i dobët, na zhduk.
    • Kur je jashtë vendit, je burrë shteti; kur je në atdhe, je vetëm një politikan.
      - Harold MacMillan