Bujqësia shpëton ekonominë

Sipas BSH, 15 mars 2014

Bujqësia po profilizohet gjithmonë e më shumë si sektori shpëtimtar i ekonomisë që po mban gjallë rritjen e saj duke shmangur rënien e vendit në recesion. 

Të dhënat zyrtare tregojnë se pas vitit 2009, kriza i ka goditur të gjithë degët e ekonomisë, duke sjellë uljen e fortë të prodhimit dhe kontributit që ato japin në rritjen e ekonomisë kombëtare. I vetmi sektor që ka mbetur jashtë kësaj tendence është bujqësia. Sipas instat, në vitin 2010 prodhimi bujqësor u rrit me 7.9 për qind krahasuar me një vit më parë. Kjo bëri gati 40 për qind e rritjes totale ekonomike të atij viti të vinte vetëm nga bujqësia.

Shifrat tregojnë se  prodhimi bujqësor ka luajtur rol kyc në zbutjen e krizës edhe gjatë viteve pasardhëse. Në 2011, prodhimi i fermave kontriboi me 0.7 pikë përqindje në rritjen totale të ekonomisë, ndërsa pas këtij viti roli i bujqësisë u bë edhe më jetik për ekonominë.

Sipas Bankës së Shqipërisë, në vitin 2012 bujqësia e vetme e rriti Prodhimin Kombëtar me 1.1 për qind, nga 1.5 për qind që ishte rritja totale e ekonomisë në atë vit. Për vitin 2013, të dhënat nuk janë të plota, pasi INSTAT ende nuk ka raportuar shifrat e tremujorit të katërt. Por për 9 muajt e parë të vitit, ato tregojnë se nëse bujqësia nuk do të kishte vazhduar ritmet pozitive të rritjes ekonomia tashmë do ishte në recesion, pasi sektorët e tjerë kanë shënuar rënie të thellë.

Ekspertët thonë se bujqësia është një nga sektorët me potencialet më të mëdha për të rritur ekonominë. Madje edhe banka e shqipërisë prej disa vitesh ka kërkuar me ngulm nga qeveritë mbështetje më të fortë për këtë sektor, që sipas saj duhet të jetë në themel të modelit të ri ekonomik.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi