Konferenca CuriaWeb: Hapësira e përbashkët ekonomike Shqipëri-Kosovë

Tiranë, 31 janar 2014

Sot në Tiranë u mbajt konferenca përmbyllëse e forumit CuriaWeb – i mbështetur nga Konrad Adenauer Stiftung, Zyra e Tiranës,- mbi Hapësirën Ekonomike Shqipëri – Kosovë, ku morën pjesë përfaqësues të biznesit, akademikë, qeveritarë dhe pjestarë të shoqërisë civile nga të dy vendet. Kjo konferencë përmbyll forumin përkatës, i cili për plot 3 muaj mblodhi ekspertë, akademikë, dhe njohës të tjerë të fushës së çështjeve dhe ekonomisë ndërkombëtare nga të dyja vendet, u diskutua për mundësitë, skenaret dhe kostot e thellimit të bashkëpunimit ekonomik mes Kosovës dhe Shqipërisë. Ky debat profesionistësh në lëmin e ekonomisë i parapriu për disa muaj takimit në Prizren mes dy Qeverive. Në konferencë foli dhe Zv/ministrja e MZHETS Brunilda Paskali. (Fjala e plote)

Përmbledhja e analizave të ekspertëve që kontribuan në këtë forum u prodhua sipas një metodologjie të veçantë të përdorur nga CuriaWeb, e cila përdori për herë të parë në Shqipëri. Ajo konsiston në ofrimin e një platformë online të diskutimit dhe debatimit. Kjo është hera parë ku ekspertë dhe njohës të fushave të ndryshme nga të dyja vendet mblidhen për të diskutuar në mënyrë interaktive duke nxjerrë kështu edhe rezultate gjithëpërfshirëse nga qarkullimi i ideve, informacionit, dhe analizave të ndryshme nëpërmjet kësaj platforme, të cilat u konsultuan nga më shumë se 3,000 vizitorë. Dokumenti përmbledhës u publikua në portalin Shtetiëeb.org si dhe ju dërgua institucioneve shtetërore të të dy vendeve.

Pas hapit të parë drejt përfshirjes së publikut dhe sidomos të specialisteve të fushës në politikë-bërje, CuriaWeb do të vazhdojë të stimuloje debatin publik dhe gjithëpërfshirjen qytetare në të ardhmen edhe në fusha te veprimit publik, si dhe çështje me rëndësi për të dyja vendet.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi