UET: Kolana “Curriculum”

“Curriculum” quhet kolana e cila do të përfshijë botimet e teksteve bazë për studentët në të tre fakultetet e UET, Juridik, Ekonomik dhe Shkenca Sociale, libra që sjellin autorët më të njohur bashkëkohorë të këtyre fushave.

UET-Press dhe avokat Spartak Ngjela kanë sjellë në shqip librin “E Drejta Penale” nga autori Jonathan Harring. Ky libër i dha jetë kolanës “Curriculum” SipasNgjelës ky botim është një eveniment i rëndësishëm në historinë e zhvillimit të së drejtës penale për të gjithë klasën e juristëve shqiptarë.

Dekani i Fakultetit Juridik, Prof.Dr. Ksenofon Krisafi u shpreh se me librin e Jonathan Herring “E Drejta Penale” , ka nisur botimi i veprave më të mira që ofron letërsia juridike botërore. Më parë UET ka sjellë në shqip tituj si “ E Drejta Kushtetuese “ e Themistocle Martinez, “E Drejta Romake” e Andrew Borkowski dhe Paul du Plessis, “Hyrje në të drejtën dhe arsyetim ligjor”, të Steven Burton dhe “ Mërfi për provën” nga Peter Murphy .

“Por nuk do të mbetemi me kaq. Në projektet e së ardhmes kemi një listë interesante autorësh dhe librash si “ E drejta kushtetuese e krahasuar” nga Paolo Carrozza, Alfonso di Giovane, Giusepe Ferrara, “Institucionet e së Drejtës Publike të Fauso Cuocolo, “5 leksione të konstitucionalizmit” të Spartak Ngjelës, “Ligji i konkurrencës në BE”, Daniel Golden , “Parimet e drejtës ndërkombëtare” të Ian Brownlie, “Shteti i së drejtës Jacque Chevalier etj”,- u shpreh dekani Krisafi., duke shtuar se një nga projektet e ardhshme të UET është të sjellë për studentët dhe studiuesit e së Drejtës veprat më të mira të krijuara një plejadë njerëzish të ndritur në fushën e së Drejtës që do të shërbejnë si baza e traditës së botimeve juridike shqiptare. Ai përgëzoi gjithashtu nismat e shtëpive botuese simotra, si ajo e universiteti Luarasi që po pasurojnë bibliotekën juridike në vendin tonë.

Repository


Dokumente të politikave publike dhe reformave të shtetit
English

Thënie për Shtetin

  • Një politikan mendon për zgjedhjet e ardhshme, një shtetar mendon për gjeneratën e ardhshme
    - Alcide de Gasperi
  • Europa është një Shtet i përbërë prej shumë provincash
    - Montesquieu
  • Duhet të dëgjojmë shumë dhe të flasim pak për të berë mirë qeverisjen e Shtetit
    - Cardinal de Richelieu
  • Një shtet qeveriset më mirë nga një njëri i shkëlqyer se sa nga një ligj i shkëlqyer.
    - Aristotele
  • Historia e lirisë, është historia e kufijve të pushtetit të Shtetit
    - Woodrow Wilson
  • Shteti. cilido që të jetë, është funksionari i shoqërisë.
    - Charles Maurras
  • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
    - Ruggiero Bonghi
  • Detyra e shteteve të mëdha është të shërbejnë dhe jo të dominojnë botën.
    - Harry S. Truman
  • Paul Valery
    - Nëse Shteti është i fortë, ai na shtyp. Nëse ai është i dobët, na zhduk.
  • Kur je jashtë vendit, je burrë shteti; kur je në atdhe, je vetëm një politikan.
    - Harold MacMillan