Një arsye më shumë për të votuar!

Nga Zamira Çavo, 23 qershor 2017

Jam e bindur që një pjesë e madhe e njërëzve janë të zhgënjyer nga elita politike. Une e vendos veten në krye të kësaj liste. Po unë nuk jam thjeshtë e zhgënjyer , jam tejet e revoltuar:

– me elitën politike, që për cdo gjashmujor elektoral kujtohet për popullin dhe atëherë jo për ti shërbyer por për ti mashtruar.

– me gazetarinë shqiptare që është po kaq përgjegjëse sa politika për situatën e vendit dhe helmimin që u ka bërë njerëzve sipas preferencave të tyre politike.

-me median e e blerë, e cila e ka pak të quhet mjet i shfarosjes nZamira Çë masë të intelektit njerëzor.

– me institucionet që funksionojnë sipas midesë së politikës.

– me shoqërinë civile, e cila hesht kur duhet të bërtasë dhe bërtet kur duhet të heshtë.

– me Presidentin, atë që po ikën dhe atë që po vjen, sepse Asnjeri nuk më ka përfaqësuar për shkak të ekstremizmit politik që shfaq.

-me intelektualët që kurrë nuk arrijnë të bëhen dot bashkë për ti dhënë vendit një alternativë tjetër por vetëm grijnë sallatë duke dhënë mëndje ( edhe me veten jam e revoltuar).

E megjithatë do VOTOJ, jo thjeshtë se e gjykoj detyrë qytetare, por ka edhe një arsye që unë e konsideroj madhore: DUA të bëhet VETINGUUU. Uroj dhe shpresoj që të bëhet. Ndaj do VOTOJ.

    Thënie për Shtetin

    • Një burrë shteti është një politikan që e vë vehten në shërbim të kombit. Një politikan është një burrë shteti që vë kombin e tij në shërbim të tij.
      - Georges Pompidou
    • Në politikë duhet të ndjekësh gjithmonë rrugën e drejtë, sepse je i sigurt që nuk takon kurrë asnjëri
      - Otto von Bismarck
    • Politika e vërtetë është si dashuria e vërtetë. Ajo fshihet.
      - Jean Cocteau
    • Një politikan mendon për zgjedhjet e ardhshme, një shtetar mendon për gjeneratën e ardhshme
      - Alcide de Gasperi
    • Europa është një Shtet i përbërë prej shumë provincash
      - Montesquieu
    • Duhet të dëgjojmë shumë dhe të flasim pak për të berë mirë qeverisjen e Shtetit
      - Cardinal de Richelieu
    • Një shtet qeveriset më mirë nga një njëri i shkëlqyer se sa nga një ligj i shkëlqyer.
      - Aristotele
    • Historia e lirisë, është historia e kufijve të pushtetit të Shtetit
      - Woodrow Wilson
    • Shteti. cilido që të jetë, është funksionari i shoqërisë.
      - Charles Maurras
    • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
      - Ruggiero Bonghi