Cilat janë funksionet e Shtetit?

Duke u bazuar në analizën juridike dhe interpretimin politik të funksioneve të Shtetit, pavarësisht nga dallimet midis pikëpamjes formale dhe pikëpamjes materiale, dallon tre funksione të shtetit:

a)  funksionin legjislativ,

b) funksionin ekzekutiv,

c)  funksionin e gjyqësorit.

Është Kushtetuta  ajo që përcakton organet dhe kompetencat e tyre për kryerjen e funksioneve të mësipërme të Shtetit

Interpretimi politik i funksioneve të shtetit ka ndryshuar me vetë evoluimin e konceptit të rolit të Shtetit. Ky ndryshim në vite ka ndodhur në intervalin midis dy funksioneve tradicionale të Shtetit: Shteti xhandar – Shteti social. Sidoqoftë, në mënyrë të përmbledhur, funksionet aktuale të Shtetit mund të grupohen në dy kategori:

a)  funksionet tradicionale (rendi, drejtësia, mbrojtja dhe marrëdhëniet me jashtë)

b) funksionet social-ekonomike (buxheti dhe financat, zhvillimi ekonomik dhe administrimi i territorit, puna, shëndetësia).

Dallohen funksionet regaliane të Shtetit, ato të cilat nuk mund të delegohen, nga funksionet e tjera që mund të delegohen.

Një nga temat më të diskutuara veçanërisht kohët e fundit janë funksionet ekonomike të Shtetit. Në teorinë e financave publike përcaktohen tre funksione ekonomike të Shtetit:

1. Rregullimi ose “stabilizimi”. Në ekonominë e tregut aktiviteti është shpesh ciklik. Funksioni i rregullimit nëpërmjet politikave makro-ekonomike (si psh monetare, buxhetare, të këmbimit, etj) i mundëson shtetit evitimin e fluktuacioneve ekonomike shumë të mëdha.

2. Caktimi dhe organizimi i burimeve dhe mjeteve prodhuese. Në këtë rast qeveria ndërhyn për të marrë në ngarkim pasuritë e përbashkëta, për të regulluar konkurrencën, për të bërë të mundur manaxhimin e eksternaliteteve

3. Shpërndarja, që ka për qëllim reduktimin e mosbarazive. Këto ndërhyrje janë të ndërlidhura me nocionet e ndershmërisë, të drejtësisë sociale dhe të mundësive të çdonjërit.

Repository


Dokumente të politikave publike dhe reformave të shtetit
English

Thënie për Shtetin

  • Një politikan mendon për zgjedhjet e ardhshme, një shtetar mendon për gjeneratën e ardhshme
    - Alcide de Gasperi
  • Europa është një Shtet i përbërë prej shumë provincash
    - Montesquieu
  • Duhet të dëgjojmë shumë dhe të flasim pak për të berë mirë qeverisjen e Shtetit
    - Cardinal de Richelieu
  • Një shtet qeveriset më mirë nga një njëri i shkëlqyer se sa nga një ligj i shkëlqyer.
    - Aristotele
  • Historia e lirisë, është historia e kufijve të pushtetit të Shtetit
    - Woodrow Wilson
  • Shteti. cilido që të jetë, është funksionari i shoqërisë.
    - Charles Maurras
  • Një burrë shteti i talentuar duhet të ketë dy cilësi të nevojshme: kujdesin dhe pakujdesinë.
    - Ruggiero Bonghi
  • Detyra e shteteve të mëdha është të shërbejnë dhe jo të dominojnë botën.
    - Harry S. Truman
  • Paul Valery
    - Nëse Shteti është i fortë, ai na shtyp. Nëse ai është i dobët, na zhduk.
  • Kur je jashtë vendit, je burrë shteti; kur je në atdhe, je vetëm një politikan.
    - Harold MacMillan